Bak frå venstre: Adrian Nicolai Myhren, Oliver Andreas Brenden, Even Rindal Hanslien, Ståle Sætrom. Framme frå venstre: Silje Olava Bakken (ungdomskontakt), Solveig Thoresen Løkken, Agnes Sletta Wigenstad, Nora Mathilde Brenden, Tuva Stokstad Opheim. Anne Marte Amble

Saman for ungdomen i Dovre

Det nye ungdomsrådet er godt i gang med arbeidet for alle barn og unge. Dei har allereie gjeve viktige bidrag inn i den nye samfunnsplanen for Dovre, hatt møte med ordføraren og halde tale på 1. mai.  

“Vi vil jobbe for at meiningane til ungdom i Dovre skal bli ein naturleg del av politikken og utviklinga i kommunen”, sa leiar Agnes Sletta Wigenstad og Solveig Thoresen Løkken da dei heldt tale frå ungdomsrådet i Minneparken 1. mai. “Det er kanskje lett å tenkje at ungdom ikkje bryr seg om politikk – men det gjer vi. Vi treng berre å bli gitt rom – og vi treng vaksne som trur på oss og som vil lytte.” 

I samarbeid med den nye ungdomskontakten Silje Olava Bakken har ungdomsrådet mykje dei har lyst til å gjera. Aller fyrst skal dei arrangere sommarfest!