Kommuneplanens samfunnsdel 2025-2036

4. Næringsutvikling og natur- og kulturbasert verdiskaping

Bonde klapper sau - Klikk for stort bilde Maria Kampesæter Kleiven/Trollbinde

4.1    Dovre kommune skal vera ein framoverlent hjelpar som spelar på lag med næringslivet.  

Vi skal legge til rette for utvikling og rekruttering til bedrifter, og vi skal ta initiativ til utviklingsprosjekt i samarbeid næringslivet.

For å nå dette målet vil vi:

  1. Bidra til samarbeid og samordning, m.a. ved å legge til rette for gode møteplassar for næringslivet. Kommunen skal hjelpe næringsaktørane i Dovre til å bruke verkemiddelapparatet og finansieringskjeldene vi har rundt oss.
  2. Bidra til at det kjem på plass ei næringsforeining for bedrifter i heile Dovre.
  3. Bruke næringsfondet aktivt til næringsutvikling og berekraftsarbeid. Administrasjonen bør ha eit nødvendig handlingsrom for å kunne hjelpe næringsaktørar når behov oppstår.
  4. Samarbeide meir med kommunane rundt oss om næringsutvikling. Vi vil vidareføre samarbeidet om næringsutvikling i Nord-Gudbrandsdalen, men også sjå utover regionen for å finne gode samarbeidspartnarar.

 

4.2    Vi skal ha berekraftig verdiskaping i Dovre, bygd på lokale ressursar, tradisjonar og ein sirkulær økonomi.

For å nå dette målet vil vi:

  1. Legge til rette for berekraftige industrietableringar, at fleire bedrifter i kommunen blir miljøsertifiserte og at fleire bedrifter arbeider aktivt med berekraft.
  2. Støtte opp om og utvikle viktige kulturberarar i Dovre, m.a. innan lokalmat og tradisjonshandverk.
  3. Samarbeide med kompetansemiljøet på Hjerleid og stimulere til enda meir verdiskaping i eksisterande og nye Hjerleid-bedrifter.
  4. Bidra til meir sirkulær bruk av mineralressursar og jobbe for auka bruk og ombruk av overskotsmassar.

 

4.3    Vi skal ha eit levedyktig landbruk som sikrar matproduksjon, kulturlandskap, sysselsetting, busetting og som bidreg til å styrke totalberedskapen.

For å nå dette målet vil vi:

  1. Jobbe inn mot sentrale styresmaktar for å sikre betre vilkår for fjellandbruket og Dovre-bonden, inkludert ein rovdyrpolitikk som tek vare på beitenæringa vår. Med eit aktivt fjellandbruk forvaltar vi utmarksressursane på ein klimavennleg måte, samtidig som vi tek vare på det biologiske mangfaldet og viktig kulturlandskap.
  2. Sikre framtidig og føreseieleg bruk av utmarksbeite og ta vare på kulturlandskapet.
  3. Legge til rette for ein variert bruksstruktur og varierte driftsformer og støtte opp dei som vil utvikle berekraftige tilleggsnæringar i landbruket.
  4. Følge opp arbeidet med felles landbruksplan for Gudbrandsdalen.

 

4.4    Dovre skal vera ein berekraftig og attraktiv reiselivsdestinasjon heile året.

For å nå dette målet vil vi:

  1. Utarbeide ein besøksstrategi for Dovre som heilårs reiselivsdestinasjon. Vi vil få meir ut av statusen som nasjonalparkkommune og jobbe målretta for å få på plass eit besøkssenter på Dombås med god informasjon som både innbyggarar og besøkande kan bruke.
  2. Legge til rette for lokal næringsutvikling i nasjonalparkane sine randsoner.
  3. Jobbe for at lokal organisert ferdsel brukast som eit verkemiddel i forvaltinga av nasjonalparkane.

 

4.5    Vi skal ta vare på viktige kulturminne i kommunen på ein berekraftig måte og legge til rette for at desse kan bidra til næringsutvikling der tilhøva tillét det.

For å nå dette målet vil vi:

  1. Sørge for at Dovre kommune har ein oppdatert kulturminneplan og at det blir sett av økonomiske ressursar til å følgje opp prioriteringane i planen.
  2. Utnytte nasjonale og regionale støtte- og tilskotsordningar for bevaring av kulturminne.
  3. Samarbeide med kulturminneforvaltninga, lokale lag og foreiningar, innbyggarar, næringsliv, nasjonale og regionale myndigheiter, nasjonalparkstyra og Norsk villreinsenter for å skape lokalt engasjement om kulturminnas verdi.