Slik blir HM kong Harald V sin bortgang markert i Dovre

I samband med kong Harald sin bortgang legg Dovre kommune til rette for at innbyggarar kan syne sin respekt. Kommunen følgjer regjeringa sin nasjonale rettleiar for sørgeperioden etter kong Harald sin bortgang. 

Kondolanse ved HM kong Harald V sin bortgang

Hans Majestet kong Harald sin bortgang fyller folket i Dovre med stor takksemd og djup sorg.

Kong Harald var nær oss alle, både i gode og tunge stunder. Kongen sette ord på det mange følte. Slik samla han folket.

I ei uroleg og uføreseieleg tid var kongen ei motvekt. Raus og audmjuk, varm og ujålete.

På vegner av Dovre kommune vil eg takke kong Harald for livslang innsats for folket.  

Magne Vorkinn

Ordførar

Flagg på halv stong

I sørgeperioden vil det bli flagga på halv stong på alle kommunale flaggstenger i Dovre. 

Kondolanseprotokoll

Det vil bli lagt ut ein kondolanseprotokoll i resepsjonen på kommunehuset. Vi vil koma attende med ei oppdatering når denne er klar til signering. 

Kyrkja i Dovre har òg lagt ut kondolanseprotokollar i dei tre kyrkjene. Kyrkja opplyser at Dovre og Dombås kyrkjer er opne 12:00-16:00 dei komande dagane. Eysteinkyrkja følger sesongens åpningstider 09:00-18:00. 

Søndag 30. august spelar kantor Magnus Kløften i lag med Humbertus Huijs på saksofon i Dombås kyrkje kl. 14:00. Same dag spelar kantor Magnus Kløften med Per Arne Glorvigen i Dovre kyrkje kl. 15:00. Tonefylgjet varer i ca. 30 minutt. 

Kongehuset har opna ein digital kondolanseprotokollI.

Legg inn din digitale kondolanse her

Gravferdsdagen

Sjølv om gravferdsdagen ikkje er ein offentleg fridag, blir det oppfordra til å syne særleg omsyn og respekt den dagen, og til å avgrense støyande aktivitetar under gravferda. På gravferdsdagen blir kong Harald minna med eitt minutts stille over heile landet frå kl. 13.00 til kl. 13.01. Stilla startar med tre klokkeslag frå alle kyrkjene i landet. Når minuttet er gått, markerer tre nye klokkeslag at stilla er over. 

Sist endret 30.08.2026 12.26