Leige fast

Vil du leige Moskushallen, Dombås samfunnshus eller Dovre svømmehall fast? Her får du ei oversikt over korleis du går fram, og kva retningsliner som gjeld for leige og bruk av anlegga. Du må søke kvart år.

Slik søker du

15. juni - Vi annonserer

Kommunen sender ut påminning om å søke om fast leige

15. juli - Søknadsfrist

Du søker her:

Søknadsskjema

August - Søknadsbehandling

Skulane behandlar søknadane:

Dovre barneskule tildeler tid i Moskushallen
Dovre ungdomsskule tildeler tid i Dombås samfunnshus og Dovre svømmehall

1. september - Du får melding

Vi informerer deg om og når du har fått tid

Kontrakt, nøkkel og betaling

Du får tilsendt leigekontrakt som du signerer og returnerer før du kan hente ut nøkkel/nøkkelkort.
Det blir kravd depositum på 500 kroner.
Økonomikontoret sender faktura og følgjer opp betaling.

Du legg inn aktiviteten din i aktivitetskalenderen

Faste leigetakarar og dei som får gratis halltid skal syne fram aktivitetane sine i Dovre kommune sin aktivitetskalender (sjå retningslinene nedanfor)

I aktivitetskalenderen Friskus legg lag og organisasjonar sjølv inn aktivitetane, slik at både innbyggarar og gjestar lett kan få med seg det som skjer i kommunen.

Slik gjer du det, heilt enkelt!

Retningsliner for utleige

Vedteke i Oppvekst-, kultur- og omsorgsutvalet 2. desember 2024.

Retningsliner

Kunngjering om leige av Moskushallen/samfunnshus/svømmehallen.
Annonsering på heimesida til Dovre kommune innan 15. juni med frist ca. 15. juli. Faste leietakarar får e-post. Leigetakarane søkjer elektronisk på Dovre kommune si heimeside.
Handsaming av søknadene: Skolane samordnar søknadene. Dovre ungdomsskole har ansvar for tildeling av Dombås Samfunnshus og Dovre Svømmehall. Dovre barneskole har ansvar for tildeling av Moskushallen. Faste leigetakarar følgjer skoleruta. Dersom leige er aktuelt i ferier, må dette avtalast på førehand. Ekstra kostnadar kan da kome til.
Søkjarar vert tildelt tid i hall/samfunnshus/svømmehall innan 1. september.
Leigetakarane får tilsendt ei leigekontrakt som skal underteiknast og returnerast til ansvarleg skole.
Før oppstart skal ansvarleg leiar i kvar gruppe kvittere ut nøkkel/nøkkelkort.
Skolane har ansvar for utdeling av nøklar/nøkkelkort. Avtala skal vera underteikna før nøklane/nøkkelkort vert utlevert. Depositum: 500,-
Økonomikontoret sender faktura etter oppgåve frå skolane. Økonomikontoret følgjer opp innbetalinga.
Dersom ein ynskjer å seie opp leigeavtale før den avtalte leigeperioden er over, skal dette sendast skriftleg til skolane.
Når leigeperioden er slutt, skal ansvarleg leiar levere attende nøkkel/nøkkelkort til ansvarleg skole. Depositum betalast attende.
Faste leigetakarar og dei som søkjer gratis hall, må legge ut aktivitetane sine i aktivitetskalenderen Friskus.
Faste leigetakarar og dei som søkjer gratis hall, må på lik line med andre søkje om ny leigeperiode for kvart år.

Gratis bruk av hallar for barn og unge

Det er gratis bruk av Moskushallen/samfunnshus og svømmehall for aktivitetar/tilbod som er retta mot barn og unge under 20 år. Det er ein føresetnad at det berre er barn/ungdom i denne aldersgruppa som deltek (+ trenar/rettleiar). Bakgrunnen for tiltaket er at ein ynskjer at barn og unge får tilbod om og kan delta i ulike fritidsaktivitetar.
Ved leige av svømmehallen må det vera minst 1 badevakt med godkjent livredningsprøve.
Ved aktivitetar som er for vaksne (over 20 år), men der det likevel er med barn/ungdommar under 20 år, kan søknad om redusert leige rettast til skolen. Deltakarliste må ligge ved søknaden. Leige reduserast prosentvis med andel barn/ungdommar som er med.

Sist endret 12.03.2026 15.18

Hei! Kva ser du etter?