Dovre folkebibliotek

Dovre folkebibliotek ligg fint plassert midt i Dombås sentrum, og er ein open og inkluderande møtestad for heile bygda. Hjå oss finn du bøker, arrangement og tenester for både små og store – anten du vil lesa, lære, oppleva eller berre ta ein prat.

Vi har ei nyoppussa barneavdeling med god plass og mykje å gjera. Vi har spelsenter med Xbox og gaming-pcar, vi har ungdomsavdeling med Nintendo Switch og biljardbord, og sjølvsagt ein stor, god aviskrok for den som vil sitja ned ei stund. 

Åpningstider

Måndag: 12:00-18:00

Tysdag, torsdag og fredag: 10:00-15:30     

Laurdag: 11:00-14:00

Søk, forny og reserver

Haustprogrammet er klart!

Logoen til biblioteket - Klikk for stort bilde

Denne hausten kan du få med deg barneteater, trylleshow, filmar for både store og små, konsertar med kulturskulen, lunsjforedrag, kosedyrovernatting, lesestund for dei minste, verkstad for barn, vindvottkurs for vaksne, formidlingskveld med gode boktips, gode samtalar om bøker vi har lese, du kan bestille adventskalender til ungane dine, ungane kan delta på skrekk-bingo, vi set i gang med Vinterles att, det blir konsert med kveldsmat for dei små, og vi markerer Verdsdagen for psykisk helse. 

Og sjølvsagt kan du kome innom oss og låne ei bok, slå av ein prat med nokon, lese avisa, ta ein kaffe, lese for ungane eller barnebarna, låne ein pc, bruke spillsenteret eller berre vere her. 

Vi gler oss til alt det artige som skal skje denne hausten - og håpar å møte deg her!

Sjå programmet her.pdf (PDF, 4 MB)

Som bestilt - ditt personlege bibliotek!

Skulle du gjerne lese meir, men synest det er vanskeleg å velje bok? Ender du opp med å lese bøker som liknar kvarandre, og treng inspirasjon til noko nytt? Eller vil du berre nyte luksusen av at nokon andre finn bok til deg? Vi hjelp deg gjerne med å finne ei bok som passar akkurat deg akkurat no! 

Fyll ut skjemaet, så set vi saman eit utval bøker basert på dine interesser og lesevanar.Du får beskjed så fort bøkene er klare til henting på biblioteket. For deg over 18 år. 

Skjemaet finn du her 

 

Lån e-bok og e-lydbok i Biblio

Biblio sin logo - Klikk for stort bilde

Velkommen til Biblio, den nye appen for lån av e-bøker og e-lydbøker. Har du tidlegare bruka BookBites, må du laste ned Biblio for å fortsetje å lese og lytte.  Ikkje slett BookBites-brukaren din før du lastar ned Biblio. Logg inn med ditt gamle brukarnamnet (e- posten din) og passord i Biblio. 

Har du gløymt passordet? Legg inn BookBites-brukarnamnet ditt i Biblio og trykk Glemt passord. 

Kom innom biblioteket om du ikkje får til, vi hjelp deg gjerne!        

Slik kjem du i gang                             Biblio

 

 

 

 

 

 

 

 

Biblioteket

Velkommen til biblioteket, vi ser fram til å sjå deg!

 

Våre arrangement:

 

Kor finn du oss? 

Sist endret 18.09.2026 13.46

Artikkelliste