Borgarleg vigsel

For å avtale tid til vigsel, tek de kontakt ved å kontakte oss på tlf. 61 24 21 00 eller postmottak@dovre.kommune.no. 

Det er ynskjeleg at de tek kontakt minst éin månad før sjølve vigseldagen.

Før vigselen må brureparet sende eigenerklæringar, forlovarerklæringar og andre nødvendige dokument til Folkeregisteret. Folkeregisteret kontrollerer at alle vilkår for å inngå ekteskap er oppfylte, og vil deretter utstede ein såkalla prøvingsattest. Attesten er gyldig i fire månader. 

Har de spørsmål knytt til prøvinga, må desse rettast til Folkeregisteret ved regionalt skattekontor. Endeleg vigselsattest blir sendt til dykk frå Folkeregisteret etter vigselen.

Skjema og rettleiing finn de her: 

Skatteetaten om ekteskap

Å gifte seg hjå oss er gratis. Du treng ikkje å vera busett i Dovre for å gifte deg i kommunen. 
Men vigselen må foregå på ei tid og ein stad som kommunen kan tilby.

Dovre kommune gjennomfører vigslar alle vekedagar. Det er mogleg å fremje ynskje om andre dagar, men da vil det vera opp til ressursar og kapasitet om det let seg gjera. Meirkostnadane må dekkast av paret.

Dovre kommune vil i utgangspunktet vigsle på kommunehuset. Det er mogleg å fremje ynskje om andre stader, men det vil da vera avhengig av ressursar og kapasitet om det let seg gjera. Meirkostnadane må dekkast av paret. 

• Møt opp i god tid. 
• De må vise original prøvingsattest og legitimasjon før seremonien startar.
• To vitne må vera til stades under seremonien. Dette kan vera forlovarar eller to andre myndige personar. 
• Det er mogleg å avtale på førehand at vigselen skal vera på engelsk. Viss norsk eller engelsk ikkje er tilstrekkeleg, må paret sjølv ta med seg kvalifisert tolk.
• Nokre ynskjer å inkludere musikk eller diktlesing i seremonien. Gje i så fall beskjed om dette i god tid på førehand.
• Fotografering og filming kan skje under og etter seremonien om paret ynskjer det.